竹君BB黑人問號，話打疫苗是終極清零+通關方案，「唔明市民仲等緊乜」。真係，等緊乜呢？
689的粉絲張Ｘ剛的同類，等緊689再度當選，用支針賀佢，針or die，針拮到肉甚至拮入盲腸都唔覺痛。
午膳時間冇法蛇去揼骨夾腸的打工仔，仲等緊開飯，手停口停，絕無妄想政府會派錢谷針，只係等緊打針可以與蔡蛇睇齊，腦細保證，假任休、不炒魷、不腰疼。
家人、親戚、大中小學朋友都移民走晒的公務員，每日同樣問竹君BB相同的問題，仲等緊乜？等針…傻啦，等jump現實些。
坐監與探監的真香港人，等緊控方黑暗退潮後的光明，黎明來到，曙光像一支針，一支超強抗體神針。
唐英傑仲等緊乜？等緊被剝奪的陪審團。陪審團被bubble了，針一拮，氣泡穿。
蘋果仲等緊乜？時時刻刻被恐嚇遭「取締」，員工心中有數，等緊那一天被天真爛漫的PK用支針指住頭！