張曦雯早年拍攝旅遊節目《3日2夜》的片段，近日被無綫剪輯成新宣傳短片，短片風格似足剛播畢的ViuTV節目《ERROR自肥企画》，遭網民鬧爆。張曦雯昨日在銅鑼灣出席活動，她表示對此並不知情：「朋友戥我慘，但我睇完文章都唔明發生乜事，我喺Ig又唔見有人鬧。有個句子係，imitation is the something flattery，可能係一種讚美，可能公司覺得佢哋做得好，想copy吓，但我其實唔係幾清楚發生乜事。」之後她扯開話題，主動謂跟男友生活穩定。
同場的陳家樂對於有指與連詩雅感情出現問題，他說：「唔回應喇！」有記者提到娛圈戀情不曝光又不結婚，容易分手收場，陳家樂即說：「總之好好，好穩定，每次訪問都好似被催婚一樣。」