阿仙奴「四大長老」之一、U23教頭保特禮拜日終被炒魷，佢嘅職務會由前球員梅迪薩卡頂上。58歲嘅保特1988年就以球員身份效力槍手兼贏過3次聯賽冠軍，退役後轉任槍手青年隊教練，仲帶領U18連贏兩季聯賽冠軍。2012年仲成為時任領隊雲格副手，2019年轉教U23，不過今季13隊裏面只排第10，最終老臣子都冇情講，終要離開效力咗33年嘅阿仙奴。