法庭內主控忽然叫停，指頂唔順旁聽席有人忍俊不禁，要求召警入庭，𥄫實公眾席。「禁笑令」由強國轉移至香港了？法官拒絕，指公眾人士不是犯人。
如果審訊那樁是「揼骨用手」案，好多嘢，像警方作供的講法：唔係所有嘢都可以講出來。光是提到「不爭的事實」，已經超越ERROR企劃！旁聽席爆肺笑唔停，就算警方扯黑旗，咁樣，係會令人驚嘅，但係，止不住笑。笑這種生理反應，有冇腰疼都知，根本禁唔住，天真爛漫的差佬都有可能笑到失儀失禁，比忠誠勇毅的PK更幽默啊。所以哩，處長套餐包括波推又好，大贈送夾腸又好，民間無小事，旁聽師都想收風做吓民研。有街坊想排隊繞法庭七圈拎籌旁聽，真心的，據說是想略盡綿力，開解警嫂，化身做她們的樹窿。我就少少擔心，解救錯了方位，樹窿噴火，點收科？
阿蛇揼骨，無罪假定，唔使上庭。但警嫂躁鬱是有道理的，好仔唔當差，當差腰痛歪，套餐国安buy，邊個笑到嗨？問號唔使黑人，封鄭市長為魔鬼連任，樂做代言人的湯渣回應吧。