上周二法國國家隊公佈咗歐國盃26人大軍名單，皇家馬德里前鋒賓施馬驚喜地再度入選，但佢就要同基奧特爭正選席位。上星期六法國隊就公佈咗歐國盃嘅波衫號碼編排（圖），2位主力基利安麥巴比同基沙文繼續着住10號同7號衫，「銀河唯一」基奧特雖然今季喺車路士冇咩上陣機會，但仍然獲得9號波衫，反而同教練迪甘斯破冰回歸嘅賓施馬就由10號轉咗做19號。雖然賓施馬近季成為咗皇馬唯一可靠嘅入球來源，不過家陣仍然未知道迪甘斯會點排陣，而且賓施馬已經有六年冇踢過國家隊，同隊友要重新培養默契，加上連9號波衫都冇埋，睇嚟佢想踢正選嘅話就要多加努力啦。