英格蘭足球記者協會(FWA)周四公佈,為曼城贏得英超冠軍嘅功臣、24歲葡萄牙中堅魯賓戴亞斯,成功力壓隊友奇雲迪布尼同熱刺射手哈利卡尼,當選20/21球季FWA年度最佳球員(英超年度足球先生),係自前利物浦後衞尼高喺1989年奪獎後,近32年來首位後衞獲得呢個獎項。曼城有9位球員佔據咗50%得票率,最終由魯賓戴亞斯當選,亦係自1995年奇連士文同1997年蘇拿後,第三位球員嚟到英超首季即獲最佳殊榮。