資深配音員盧雄入行46年，前晚他亮相配音節目時說：「當初入配音室，我係冇位置，有一次戲中有外國人，導演要佢『講』廣東話，我中學有好多外國神父，佢哋講廣東話有外國口音，我百厭學佢哋，就係咁上咗位，有一段時期港產片啲外國人講廣東話，全部都係我配。」他更鼓勵圈中的年輕人要繼續努力：「唔使擔心自己把聲唔靚， 大家聽到我把聲幾衰，如果唔係，點會配成奎安？只要你有心機去做，一定有一日會成功。」
盧雄在1975年加入商台擔任播音員，後來轉投佳視當藝員及配音，直至佳視倒閉，成為全職電影配音員。曾聲演《西遊記》菩提老祖、《望夫成龍》成奎安等，他於80年代開始做配音領班及導師，後來於電影幕前演出，作品包括《九品芝麻官》演尚書大人及《回魂夜》的盧Sir。