組合ToNick昨日在荔枝角為7月3日在九展騷宣傳，今次是ToNick入行後第七次演唱會，四子均說：「近兩年好多感受、情緒諗法，會用音樂記載給大家，呢個時候仲留喺度嘅人點行落去。」提到背景海報寫上「香港製造」，ToNick指想呈現現今環境，如何從黑暗走向光明：「最重要冇近距離同大家玩好耐，今次唔可以插水接觸。」
ToNick昨日即場獻唱《一口氣》，主音恆仔說：「無論點都好一起撐落去！」之後玩得興起時又企到鼓上唱歌，並以《離散聚》紀念離世朋友或離開香港的人，演出完畢後， 粉絲狂嗌安哥，恆仔在毫無準備下唱出一小段《T.O.N.I.C.K》，更高呼加油。