【本報訊】屯門黃金泳灘日前有大量安格斯肥牛沖上岸，有醫生指出，凍肉在海上漂浮，並非適當的儲存方式，「又唔知喺室溫環境、戶外環境幾耐」，強調凍肉必須冷藏處理，即使肥牛包裝密不透風，但長時間在日溫下，已經滋生出細菌，絕對不能食用。
腸胃及肝臟科專科醫生姚志謙指出，若果誤食漂浮凍肉，很可能會出現細菌感染，「最常係腸胃炎，要睇病菌種類，有啲菌侵入性強，唔單止感染腸道，入血嘅話，可能出現敗血症，嚴重嘅會多功能器官衰竭，肺、肝等有可能受到波及，最終引致死亡。」
姚醫生續稱，未經煮熟食物，一般要冷藏處理，凍肉更必須放入冰櫃，以4℃以下冷藏儲存，「即使喺凍肉舖買完凍肉，𠵱家咁熱嘅天氣下，都要盡快拎返屋企冷藏。」
昨日大批泳客在黃金泳灘暢泳，姚醫生指漂浮凍肉對泳客的健康影響不大，「凍肉滋生出嚟嘅細菌跟一般環境細菌，或者排污帶來嘅細菌，基本上喺雷同。如果喺海中，應該有充份稀釋。」
姚醫生指如果市民擔心，游泳後可用消毒皂液徹底清洗身體。