MIRROR人氣王姜濤早前拍攝了一個太陽眼鏡廣告，他表示人生第一副太陽眼鏡，是到加拿大旅行時媽媽買給他，姜濤笑言：「我整個旅程都有戴住，覺得自己變成外國人。」當時姜濤已對選擇太陽眼鏡有獨特心得，他說︰「當時我揀一副鏡面好大副，因為覺得同一個價錢，鏡面大啲感覺抵啲，我又成日借媽媽嘅太陽眼鏡嚟戴。」
孝順的姜濤透露因為媽咪怕熱，所以出街時，他一定會為媽咪帶備風扇：「記得一次同媽媽去日本，當時天氣好熱，媽媽頂唔順，去便利店買一大袋冰，全程攬住袋冰，仲話即刻心都涼晒，可以繼續行街。」早前完成演唱會後，姜濤難得可以放假一天，他說︰「嗰日全日喺屋企瞓，起碼瞓咗10幾20個鐘，雖然內心想起身睇電視或打機，但真係太攰，最終昏迷咗成日。」