越嚟越多政治人物同手足因為抗爭案蒙冤入獄，失去自由同收入，所以稍為有知名度嘅政治人物，都會開設Patreon畀大家訂閱支持，令到Patreon好似變成囚友通訊天地咁。噚日八方就發現兩個Patron初哥社民連嘅吳文遠同陳皓桓（Figo），其中吳文遠喺fb出帖講明Patreon係準備定坐監用，仲話仍然測試當中冇乜嘢睇，但就叫大家幫吓手，撳subscribe撐場， hashtag仲補飛加句「講到明坐監未必有咁多post出」。八方睇過吳文遠個訂閱方式，由每月10蚊美金到10萬美金，相信測試未做完，已失去咗自由。
至於民陣Figo，亦同一日話「終於開咗Patreon」，為推高訂閱，放咗張岑子杰同佢嘅絕密相片，相中Jimmy親吻笑到四萬咁口嘅Figo，Figo同時留言，話坐監嘅時候，會不停透過Patreon寫嘢畀大家睇。而Figo訂閱計劃由10蚊到500美金，等大家可以睇到獄中來信、探訪快訊、讀書分享同筆友對話等，令大家可以繼續知道佢哋最新消息。
李八方