阿彌陀佛，四大皆空，話咁易咩，不如趁今日熱辣辣，佛都有骨火，深度反思一下。
国安無牌揼骨，等於過馬路衝紅燈嗎？無牌揼骨唔等同買春，信葉劉姐姐，無罪假定。揼骨致面癱的機會更低，致死更是沒有因果關係。衝紅燈就難講了，如果開住車Zoom的司機姓郭，紅綠燈前那個路人唔係甲，而係胡志偉（平行時空下自己幻想一個胡志偉正被未審拘押，另一個在馬路被身有六坨屎的郭姓司機衝過來…！）老佛慈悲，還是無牌揼骨有後福對不對，保本留命，將來實有力再上嘅。拗極腰都上不到嗎？這樣，只能將靚位放下，俾膝頭哥以上膊頭以下特別天真爛漫那批忠誠object跳級了。
愛揼骨者治港，讓阿蛇走得更遠，灣仔骨場，一揼成名。政府全力谷針有咩錯呢，推廣期間骨場邊揼邊針，展鵬與骨妹，猶似志明與春嬌，一出一入，雙贏。林鄭不但將RTHK收視清零，也將滯市的科興清倉，一招KO對家。姓梁那位阿伯還想重光復陽？咁就要諗吓收咗那五千萬點算？夾硬食晒佢，恐怕會由背脊骨落。建議趁今日佛誕，推文#五千萬點火#本來無千萬，何以被凍結#。燒完錢落骨場，身外物既已化灰，輕身上路遇佛殺佛，想佢輸都幾難！