關心妍昨日出席港台活動時透露打算入紙申請明年於紅館開騷，預計在6月或7月，她說：「因為明年入行20周年，值得慶祝一下。好耐冇同歌迷有聚會，對上一次紅館騷已經係2012年。」
關心妍女兒楊榮心現已五歲，樣子可愛甚多fans，關心妍考慮讓女兒一同上台演出。對於有提議製作一首母女合唱歌，她說：「之前做過兒歌，都可以用嚟參考。佢平時喺台下面有表演慾，而且都有天份，我見佢唱歌音準都OK，音域都幾闊。唔知有太多觀眾時，佢會唔會驚，睇到時情況再決定，如果真係唱，要跟我學唱歌先得。」活動上，她示範可打麻雀跟長者溝通，自言有時會跟母親、奶奶麻雀耍樂。