白只、朱栢康、楊偉倫（阿卵）等主演的舞台劇《囍雙飛》大前晚公演，原本韋羅莎（Rosa）參演其中一角色，但疫情令公演日期延後，再遇上她上月生女被迫放棄演出，但Rosa堅持拍片隔空演出，而迅速修身的她當晚亦現身首映力撐，韋羅莎表示：「BB剛剛足一個月，屋企有姨姨照顧佢，加上身體狀態OK，所以我都好放心出嚟。」
舞台劇中，白只與太太對罵一場成為焦點，他笑言該場戲令他血壓急升，演出時不敢太激動：「都有check住血壓，要準時食藥，我都唔係按醫生指示食，為咗一場好戲冇辦法啦！家人就一定嚟支持我哋，由細睇到我哋大，但係女友（顏卓靈）就要問佢乜時間，因為每次出街都要問吓佢有冇時間，唔可以假設約佢就可以即刻到。」