76歲的「大公主」馮素波（波姐）早前發現大腸有3cm腺瘤兼有膽石，於是低調入院做手術切除，經過個多月休息，現已康復。《蘋果》昨日致電波姐，她中氣十足回覆：「手術切咗個膽同五分一大腸，都算大手術，但好彩我身體機能都好健康吓，手術三個鐘完成，休息四、五星期就康復，𠵱家藥都唔使食。」波姐入開刀前更請麻醉師為她打卡。
波姐手術後出院，曾租住妹妹家附近的酒店休養，方便妹妹拿湯水、食物給她。她住了酒店一個月，月初已搬回家中。手術後她輕了兩磅：「我仲同醫生講笑話我截腸咁輕。」手術後她只能吃粥水：「因為腸胃要時間適應，飲粥水等佢屙清，大腸有蠕動就轉稀粥稀飯，冇飯食冇力，𠵱家飲食正常返。」波姐強調病前飲食健康，又會每日行約4,000步。