【娛樂圖輯】半空飛魚

李施嬅自從宣佈名花有主及訂婚後，不時做運動操弗自己，為婚禮做好準備。佢前日大晒做空中瑜伽嘅相片，見佢倒吊又做出飛魚動作，果然訓練有素。

腹肌養眼

現年55歲嘅李若彤近日大騷同65歲內地演員張豐毅一齊健身嘅合照，李若彤練到有結實腹肌，而半裸上身嘅張豐毅更有胸肌同腹肌，兩人身形絕對唔輸蝕畀後生仔。

經典再現

馬德鐘近日喺劇集《伙記辦大事》上演一場喺泳裝美女大髀上索鹽嘅場面，令人不其然諗起當年佢喺電影《強姦2之制服誘惑》演變態牙醫，伸脷狂舔朱茵嘅臉珠（圖）。

溶化姨姨

陳山聰曾經同契姐伍詠薇反面，不過最終兩人冰釋前嫌。噚日伍姑娘貼出同陳山聰孖佢囝囝Jaco嘅合照，素顏嘅伍姑娘坦言被Jaco溶化咗，非常搞笑。