魏駿傑、蔡頌思等將會演出張之珏執導的舞台劇《老公~你好悶呀！》，昨日在柴灣見記者。魏駿傑演藝學院出身，視張之珏為伯樂。現時單身的魏駿傑自言有戲癮，獨力撫養10歲女兒，女兒也贊成他演出，他說：「佢𠵱家大咗好懂事，自己識返學，又勤力做功課，真係好乖，我老懷安慰。佢喺學校有做drama，仲寫英文劇本，可能受我影響都鍾意做戲，只係怕醜啲。」
前妻張利華間中會跟兩父女聯絡，魏駿傑形容關係良好，前妻很關心女兒，他說：「佢有時都接個女去食飯，但個女有功課或者測驗就唔出街，要我成日解釋，所以我同阿女講自己解釋番，唔係以為我唔畀佢出街。」他又表示不急於找新伴侶，順其自然。