港台著名唱片騎師Uncle Ray昨晚主持完港台節目《All The Way with Ray》後，正式榮休！Uncle Ray接受《蘋果》電話訪問表示：「心情好難講，五十五十，五十係happy，五十係好唔捨得，做咗電台咁多10年，眨下眼last day喎！我知道有好多email畀我，好似有眼淚喺裏面咁，我好感動，諗唔到一個人做咗咁多年，多謝天意，我96歲把聲仲喺度，冇話冇咗把聲。」
現年96歲的Uncle Ray是健力士世界紀錄最長壽的唱片騎師，由於年事已高，他節目後會出現虛脫狀況，也不得不退下來。不過Uncle Ray笑言：「我唔會悶，有好多嘢要做，屋企好似唱片公司咁，好想個個人都聽到靚歌，一切喺我心裏面。嚟緊唞一陣就會約吓朋友傾吓偈，喺屋企聽吓音樂。」