今季長唞嘅利物浦後衞華基爾雲迪積克（VVD，右）近日接受訪問時話，自己嘅康復進度良好，不過就唔會參加下月嘅歐國盃。早前有傳荷蘭想搵呢位29歲後衞踢歐國盃，不過VVD就向紅軍球迷派定心丸：「我認為唔參加今屆歐國盃係一個正確選擇，家吓係我康復過程嘅關鍵階段，我希望可以專心為新球季做準備。」