葡超榜首球隊士砵亭（圖）禮拜二喺主場以1:0小勝博維斯塔，成功提早奪冠，自2002年以嚟首度喺葡超封王。今季喺葡超未輸過嘅士砵亭，今場憑保連奴費南迪斯一箭定江山小勝，贏得隊史第19個頂級聯賽冠軍。雖然今場比賽閉門進行，但數以千計嘅球迷喺開賽前已經喺主場外聚集，完場後就湧到馬路瘋狂慶祝。