身處威權時代，或許知識就是力量。佔中三子之一、前中大教授陳健民下周日（16日）會喺深水埗嘅一拳書館舉辦簽書會，除咗主打嘅《陳健民獄中書簡》，仲有陳教授有份寫嘅《審判愛與和平：雨傘運動陳詞》等等，主辦單位「和你讀書」話，今次嘅義賣活動會補貼營運開支同埋幫在囚手足買書，有興趣嘅同路人記得去支持下啦！
「和你讀書」計劃會喺嚟緊周日晏晝2至7點，舉辦義賣活動，將所有收益撥歸畀在囚手足，買一啲合適嘅書籍，除咗有香港文學館義賣嘅《另起爐灶》、「好人一生平安」同埋「5201314」套裝之外，仲有陳教授嘅《陳健民獄中書簡》插畫原畫展，畫家花苑話，會捐出賣畫收益嘅5%畀「和你讀書」計劃，一齊支持手足，大家一於「見字買書，抱緊處理！」
各位惜書嘅同路人，有興趣不妨都mark低日子，身體力行去支持下啦！
李八方