葉童近日「回流」拍港劇，角色為展開新生活拋下女兒，葉童表示起初不習慣：「最初唔知點樣演繹角色，唔理解阿媽點可以咁狠心拋低個女。」後來與導演傾談後有所啟發：「佢話有一種關係，係我唔同你一齊就係對你好，我發覺原來真係有啲咁嘅人，我對住你時只係諗到負面嘢，與其一齊困獸鬥，不如分開。」
葉童不諱言拍戲曾遇到這類人：「大家好似八字唔啱，我講一句，唔知佢聽到定聽唔到，咁做嘢好難，如果係對手，通常我會將focus校蒙啲，太清楚會令自己諗好多嘢。我認為啱佢可能認為唔啱， 咁我冇理由不停要求對方，咪我自己調整。遇到對手唔啱就拒絕，好似唔係演員應該做嘅事，況且好多工作都係短期，幾難頂都係一、兩個月，況且人會變，今日唔夾唔等於將來！」