古天樂撐MIRROR尾場

人氣男團MIRROR一連六場的演唱會，昨晚在九展演出尾場，12子同樣穿上黑白戰衣合唱《ASAP》及《WARRIOR》為演出揭開序幕。演唱會「稀客」古天樂私下與ViuTV總經理魯庭暉好老友，兩人昨晚結伴睇騷，不少觀眾要求古仔合照，他也來者不拒，另外還有鄭欣宜、森美、小儀及楊偲泳等到場支持。有份幫手的梁祖堯昨晚受訪表示MIRROR有80分：「今次個騷係近年睇過最精采，由12個後生仔變到個個獨當一面嘅巨星，好感動。」早前有指梁祖堯在梅窩跟MIRROR拍節目時，教姜濤趕走姜糖，但昨晚場外見不少fans在他後面舉牌及要求合照，似乎已事過境遷。有份主持無綫《開心大綜藝》的森美則表示昨晚是以商台DJ身份睇騷。

大批鏡粉昨日一樣早早到場外聚集，盧瀚霆（Anson Lo）的「教徒」花五位數炮製簽名牆，齊集簽名後再送給AL，其歌迷會會長Annie謂：「現場好似嘉年華，我哋想冇得入場睇嘅fans都入嚟簽名影相，我哋派咗成千張手幡。」昨晚尾場門票有人花逾17,000元買黃牛飛，她謂：「我哋有叫fans唔好買。」另有姜濤的媽咪fans陳小姐帶同三個女兒到場外感受氣氛，因她搶不到今次門票睇騷。