魯振順和未婚妻Julie情緣源於一壺愛心餃子，這次訪問為測試未來順嫂的廚藝，由街巿出發，而回春的魯振順笑言：「我哋嘅第一次就畀咗《蘋果》，我哋真係未試過拍拖去街巿買餸同下廚。」Julie答應在鏡頭前再為魯振順下廚，親手包韭菜餃和煲章魚粉葛湯。兩人買齊材料後夾手夾腳， 你剁肉我煲湯，很有默契，邊包餃子邊閒話家常，「卡拉之星」魯振順更清唱了陳百強的《有了你》：「我每日，每天都想見你……」被冧爆的Julie都和唱起來。
煮好餃子後魯振順大讚：「今次食到新鮮餃子，好味呀！唔食就蝕底，我恨到，佢執到。」Julie的老火湯煲乾水有燶味，有點失準，但魯振順還是感恩地喝光，更賣口乖︰「老婆煮嘢食叻，男人幾生修到，仲『偷食』就天打雷劈喇！我肯定唔會，我係住家男人。」魯振順又風騷講笑話Julie未夠60歲冇飽飯食，Julie詐嬌：「我都係你㗎喇！」魯振順答：「你梗係我㗎喇！唔係邊個㗎？」二人打情罵俏後，更親熱咀嘴。