現年54歲的林利向來侍母至孝，雖然今日是母親節，但他認為對媽媽好，每天都可以是母親節。林利指自己跟媽媽一樣，不習慣將愛宣諸於口。日前他在美孚新邨接受《蘋果》訪問時，睡醒午覺的林媽媽兩次來電，林利陰聲細氣跟媽媽說：「好快返！」回家前更買了麵包給媽媽做午點。作為傳統男人，要林利講「我愛你」，相信是難過登天，他笑說：「我哋其實都擺喺心度嘅，係睇到佢愛我，我愛佢，男仔唔會話『我愛你』，唔會成日講。今次講多咗，特別喺醫院嗰段日子。」
去年11月林媽媽確診淋巴癌，剛在台灣新婚的林利即時飛返香港照顧媽媽，雖然太太陳貞均早有微言，但無阻林利的決定，他斬釘截鐵說，就算不幸母親要一世瞓床，都會「一世陪佢」。林利指父親早已離世，他不想失去了才想到珍惜，認為親情是要自己去把握。
