上禮拜六英冠煞科日,焦點落喺由曼聯名宿朗尼帶領嘅打比郡(白衫)身上。最後一輪排尾4嘅打比郡要惡鬥尾2嘅錫周三,但另邊廂尾三嘅洛達咸一開波就領先,令打比郡形勢更惡劣,一定要贏波先成功護級。結果成場比賽峯迴路轉,最終打成3:3平手,點知隔籬洛達咸臨天光出事,尾段被卡迪夫城逼和痛失兩分。結果朗尼同打比郡來回地獄又折返人間,以1分之差力壓贏波後升上尾3嘅韋甘比護級成功。