梁靖琪再婚之後就做全職媽咪，專心照顧現時一歲幾嘅囝囝Roman。趁住母親節，梁靖琪換上泳衣同Roman去泳池玩水，媽咪見到囝囝玩得咁開心，梗係笑得燦爛啦！
蔡思貝一直忙拍劇，但佢一有時間就陪爸爸媽媽！趁住母親節，佢就同父母去食好嘢，仲感觸留言：「有多久沒細緻地看看他們的臉孔了？只想盡我能力和他們多多吃喝玩樂。」
袁偉豪一向都好孝順，前晚分享咗同媽咪撐枱腳嘅相，原來係慶祝袁媽媽生日，佢仲貼咗一張細個同媽媽嘅合照，大家都大讚袁媽媽keep得好好又靚女，完全係一位逆齡媽咪。
梁詠琪一家三口，同媽媽、孖生細佬、弟婦去咗大嶼山心經簡林，享受家庭樂，梁媽媽笑得好開心。而囡囡Sofia已經六歲，但佢身形高䠷，高度已經去到媽媽心口位置。
