MIRROR演唱會中持有1280元VIP門票的約300位觀眾，除獲贈禮品包外，昨午4時許更可入場欣賞MIRROR綵排《Reflection》和《Ignited》兩首歌。鏡粉朱小姐睇完綵排向記者透露：「頭先坐返今晚入場嘅坐位睇，MIRROR行埋落觀眾席唱歌，好近，我冇握手。兩首歌就唔夠喉。」
盧瀚霆（Anson Lo）的兩位「神徒」C和Annie異口同聲大讚偶像，Annie表示：「雖然Anson Lo病咗，但我見到佢狀態好好，好靚仔，知道佢哋都好攰，唞吓留啲力今晚唱。」C則說：「好過癮呀！佢哋有落觀眾席say hello，個個都望到我哋，睇到兩首歌都好開心，留返啲力今晚唱啦，知道Anson Lo今日唔舒服。」