美心集團創辦人長女伍淑清（圖）之前接受《環球時報》專訪，鬧香港年輕人被社交媒體洗腦，會放棄呢一代年輕人，結果搞到美心旗下嘅品牌畀年輕人杯葛。不過美心集團對香港呢一代年輕人，同伍淑清睇法唔同，仲決定重推舊年暫停嘅見習管理生（Management Trainee，MT）計劃，仲話會大增年輕人嘅主導權！
《星島日報》噚日報道，美心集團重推嘅見習管理生計劃，報道引述美心集團高級人力資源總監林嘉儀承認，集團難請人，尤以前線為主，佢仲話唔知點解請唔到人。佢仲大讚世界未來係屬於年輕人，客人都係年輕人為主，需要年輕人加入，但就冇講起薪點，就話總之好過Big 4，又話Big 4人工其實好cheap。
報道話呢個計劃長12個月，會請20至40人，以持大專學歷不多於兩年工作經驗嘅年輕人作對象，冇特別限制參加者修讀學科，可揀前線營運、食品研發、供應鏈及人力資源等崗位。通過一年計劃後，就可成為資深或高級職員（senior officer）。
李八方