近期歐洲出現多宗球迷抗議球會加入歐超聯嘅示威活動,不過今次連西甲球會華倫西亞都出事,日前一班華倫球迷就抗議新加坡班主林榮福(左)近年不斷賣走隊中球星,令蝙蝠軍團嘅成績不斷下滑,今季更加要喺護級邊緣徘徊。華倫其中一個球迷會日前就向前教練加利尼維利(右)求救,要求加利佬好似日前鬧爆曼聯班主格拉沙咁,幫佢哋手踢走林榮福。不過據聞加利佬同林榮福私底下幾老友,會「大義滅親」嗎?