黃文慧哭別亡兄黃樹棠

資深藝人黃樹棠（求叔）上月10日因肺癌病逝，享年74歲，其任職配音員的兒子黃榮璋昨日在世界殯儀館為亡父設靈，求叔的遺體今日大殮後將移至鑽石山火葬場火化，並遵從死者生前遺願，骨灰將撒在紀念公園回歸大地。昨日靈堂佈置簡潔，橫匣寫上「永遠懷念」。求叔兒子黃榮璋及胞妹黃文慧在場打點，圈中好友陳煒、尹天照、袁文傑、陳安瑩及冼灝英等紛紛前來弔唁。

陳煒：好掛住佢

黃榮璋與姑姐黃文慧在靈堂外受訪，黃文慧開口便激動哭着說：「人間總有情，喺呢個咁惡劣嘅疫情裏面，阿棠哥一路好走，佢會離苦得樂，榮璋，爸爸走咗就係錫你，唔想你辛苦。」問到求叔的遺願，黃榮璋說：「佢遺願……綠色殮葬，呢個係佢唯一交託我做嘅事。」又指父親臨終前提過不喜歡嘈吵，故不會安排宗教儀式。陳煒指與求叔合作過咗七、八套劇，閒時亦會飯敍︰「同佢拍劇永遠都咁開心，佢永遠報喜不報憂，之前大腸癌都係佢自己講，估唔到去得咁急，好掛住佢。」尹天照指臨終前想探求叔，可惜疫情下未能如願，袁文傑則感恩求叔教他功夫。