憑《愛．回家之開心速遞》飾演「朱凌凌」而成功入屋的吳偉豪，捲入浴室自摸片風波，TVB高層樂易玲日前透露吳偉豪已報警求助，不過為避風頭，吳偉豪昨日缺席《愛．回家》的宣傳活動，問呂慧儀有否看過該條沖涼片，她說︰「冇，呢段時間畀多啲空間佢啦，件事都交咗畀警方唔方便評論。我同丹爺都覺得畀佢靜吓。」問是否影響拍攝？她說︰「佢都成熟，暫時唔覺得有影響。」
劉丹則說︰「成件事唔係乜嘢大事，一個血氣方剛嘅後生仔沖涼，大家都會做，唔好咁大驚小怪。不過佢就唔係咁好彩，所以奉勸後生仔交朋友要小心選擇，同埋傳媒幫吓手，叫佢放鬆啲，我哋大家都支持佢。」周嘉洛及阮政鋒異口同聲指會給予吳偉豪私人空間，暫不會聯繫他，又指雖藝人是公眾人物，仍希望社會能尊重他們的私隱。