懷孕七個月的湯怡，昨日在尖沙嘴與傳媒見面，宣佈成立個人烘焙品牌，網店於本月底營業，而首間實體店將於下月在荃灣開幕。湯怡指產品都是人手製作，她說：「我懷孕期間容易攰，生產力低，所以請兩位師傅幫手，我產前產後都會喺餅店打躉，都有諗如果突然要生點好。」突然結婚生仔，加上疫情，令湯怡實踐烘焙生意，她說：「趁疫情平租，老公麥秋成都鼓勵我，今次斥資幾十萬開業，老公都有出錢支持我。」
湯怡預產期在7月，她說：「胎兒踢我肚皮，我會彈琴胎教，BB喜歡食辣同炸物，過兩日會去影大肚寫真，送畀自己做母親節禮物。」她仍未公佈胎兒性別，但表示決定以順產方式分娩，她說：「家姐係順產，我都想體驗陣痛滋味，我堅持做瑜伽，行樓梯運動，幫助生產順利。」並表示有看倪晨曦的生產紀錄片，見她辛苦陣痛十多小時，自己亦忍不住喊。