睇完23歲楊泳茹寫給同路人的信，念念不忘，作為一個跟泳茹一樣充滿天真「傻勁」的東方昇，你諗你，半億唔係小數目，破產都唔掂嘛，快些寫信剖白，對象可以是法官、藍屍、五毛whatever，總之當守的道，已經被入七球，必修的行，就係弱蟲地陳詞，像這樣：
尊貴新香港人閣下，本人成長於動盪時代，呢，就係2019年夏天開始，本人認識到，長年生活的社會原來有病，病到沉痾難起，幾乎每個持份者都是受害人。包括猛話壽終正寢但又死唔去的，成日數廣告但唔識數自己落袋那五千萬點交代才得好死的。至於被N個人扶住仍企唔直站唔穩的，唔死都冇用。這些，我除了接受，別無他選。我不害怕「失去自己」，因為我並無放棄潔身自愛，雖然「氣泡同享」之後，對梘液不再憧憬，但說我失德或有傷風化，教壞細路，未免過於煽情與趙立堅。誠然，我面臨人生中最不可思議的指控，梘液與雷射筆都是「可作攻擊性的武器」的當下，我只能以良善和堅定的上半身面對一切未知。正所謂no safety know pain，有泉就有泡，有泡就有得搓。留住梘液，勿忘搓衷。