現年97歲的梅艷芳母親覃美金，近日盛傳不適入院，《蘋果》昨日致電梅媽問候，她坦認入院一事：「少少胃痛，入咗兩日。」醫生指病情是否嚴重？梅媽表示：「胃抽筋囉，以前都試過，醫生話休息兩日，要食胃藥，你有心喇。」是否已有胃痛多年？梅媽透露：「胃抽筋久唔久都會有，今次抽得犀利要打針鬆弛，梗係痛得好辛苦先入醫院，少少痛入嚟做乜，𠵱家好番好多啦。」至於胃口如何，她指要把食物煮得較爛才食，以助消化。
雖然入院，不過梅媽依然中氣十足，她亦指自己身體並沒有其他不適：「我3月過咗生日啦，百幾歲，擺大壽請埋你。」是否已年近百歲？梅媽謂：「我唔識計年數，唔知幾歲。」