ViuTＶ節目《全民造星》成功打造男子組合MIRROR，當中姜濤的人氣更是一枝獨秀，日前「姜糖」花近百萬為姜濤慶祝生日，引來歐陽偉豪（Ben Sir）的注目，他前日在社交平台出post，表示：「我唔明點解今年《造星》折骨Ben（冠軍趙祥誠）贏咗，但紅咗姜B？利申：兩個我都鍾意。」吸引不少網民留言。
折骨Ben親自留言回覆，指自己會努力，他更借用姜濤早前的一句話：「姜濤講過，我哋會成為亞洲第一，我都相信我會係其中一個，畀啲時間我！」Ben Sir向折骨Ben送上鼓勵：「加油阿仔，瓣瓣都要做多啲。如果我冇做多啲，我哋都唔會喺呢度遇上。」網民亦紛紛留下勉勵說話，折骨Ben回覆稱：「知道！我會證明畀大家睇，多謝你支持我。」