90年代初Stanley team被人吞併，後來Stanley自立門戶，成立「星衛」保安公司，「公司名意思是專為star做保安，我亦希望成為保安裏面嘅star。」由保安員做到老闆，成績有目共睹，連黃霑也曾在節目讚Stanley是行內精英。做了老闆後，Stanley對同事有三不要求，「唔准搵藝人影相、唔准攞簽名，唔准攞粉絲送畀藝人禮物，呢啲係死罪，一做即炒。」談到與藝人能否做朋友，「我唔敢高攀係朋友，我立場做得專業，主係主，僕係僕，呢個行業要有奴性，唔係叫你拍馬屁擦鞋，係甘於去service。」
紅館是Stanley第二個家，但前年社會運動和疫情令娛圈停擺，保安工作大受影響，「生意少咗九成幾，呢兩年做得最多係喪禮，何鴻燊、錢國偉……當放吓假。」早前終於等到演唱會重開，Stanley負責樂隊RubberBand（RB）紅館騷保安，首先檢查舞台與欄杆，以確保歌手行近與歌迷接觸時穩陣安全，然後與團隊職員briefing崗位職責配合演出流程，還有檢查通訊器材等工作，繼續做好明星的守護人角色。