莊韻澄順利生產坐滿月後，前日首度復工，在荃灣進行直播活動。仍未收身成功的她表示仍有餵人奶，上圍非常澎湃，擔心之後身材走樣：「真係好擔心，太大負擔，好驚會下垂，所以我𠵱家好勤力按摩，仲會戴埋有鋼絲嘅bra瞓覺。」囝囝呂崇滈現時已有10磅，肚餓時會大哭。她沒有請陪月，但母親從澳洲返港已一年，未有打算回去，所以幫忙湊孫，下月可以三代同堂慶祝母親節。
因剖腹產子傷口未完全癒合，莊韻澄讚老公體貼，放下工作幫手照顧小孩，自己一度情緒不穩，幸得老公陪伴，回憶時也眼濕濕，但仍然期待追個女湊成好字，她說 ：「男士產假真係好重要，生完之後好容易情緒波動，成個人失控，佢會一路攬住我，叫我太辛苦就唔好餵人奶。」