藍靖中學開始習武，瞞着家人學跆拳道，經常約人到唐樓天台講手，會有拳證在場，不時打到口腫面腫，試過太傷不敢返家，他笑說︰「怕鬧，咪同屋企講話同朋友去三日兩夜露營。之後去加拿大讀書，學埋西洋拳，補跆拳道有腳冇手嘅不足。」80年代再到泰國學踭肘技，離開影圈後轉職拳擊教練，瘦削的他全身肌肉，體重140多磅。
Dave一向視親人及家庭首位，訪問前他就是陪媽媽到醫院，「老人家轉天氣唞氣唔順，穩陣咪同佢去醫院睇睇，媽咪90幾歲要小心啲。」父親去世20多年，Dave是家中獨子。他說十多年前內地電影市場興旺，有人向他招手北上掘金，但他放棄機會︰「我寧願轉行教拳，因為做電影要長時間返國內，我唔可以掉低阿媽去搵錢。」