周二德甲勁旅拜仁慕尼黑喺官方網站宣佈，原定合約去到2023年夏天嘅教練費歷克會喺今季結束後離開，家陣教緊RB萊比錫嘅33歲少帥尼高斯曼就會喺7月起出任拜仁新教練，而且仲同拜仁簽咗一份長達五年嘅合約。過去一直受唔少大球會青睞嘅尼高斯曼，由2019年開始執教萊比錫至今，直至今年夏天終於可以踏入豪門，拜仁行政總裁簡尼仲話五年合約就表明咗尼高斯曼對球會嘅認同。
不過2018年拜仁都曾經試過邀請當時年僅46歲嘅尼高高華出任教練，可惜因為成績欠佳，加上同隊內球員不和，最終教得一年就執包袱走人，今次搵嚟只係得33歲嘅尼高斯曼，雖然教萊比錫時候嘅成績唔錯，但係同陣中主力紐亞同羅拔利雲度夫斯基嘅年齡相若，隨時壓唔住呢班大牌球星！