今年11月，就是關心妍入行20周年，她笑着慨嘆青春不再，表示：「好恐怖，由20幾歲變42歲，好感恩20年之後依然可以唱歌，𠵱家唱歌同以前年代唔同，自己都學習做live，我哋呢代人適應要花時間，冇得唔學，我會鞭策自己，一定要與時並進，要花好多心力接軌。」
關家姐其實沒有脫軌，一直很留意香港樂壇，還是《全民造星》的fans，她笑言：「我睇晒全部節目，睇完自己團火更撻得着，我鍾意 ANSONBEAN（陳毅燊）好可愛，唱歌就鍾意CY（陳澤言），佢唱得好好，女仔揀Alina（李靜蓮），跳舞吸引。」關心妍更分享樂壇生存法則，她說：「你要有關家姐精神，唔可以太care，以前年代係明星，但𠵱家年代唔同，無時無刻被人評論，EQ要高，唔可以咁容易上火。話你難聽醜樣就信，咁會冇得做，鍾意音樂要有份精神，唔可以咁易氣餒同介意。」
