游學修早前在頻道拍片《Channel需要錢》叫人課金，雖然內容只是噱頭，但從零成本到現時擁有頻道的工作室，游學修笑言只靠小聰明、廣告及課金。「第一日真係冇使錢，全靠老友出力出機，屋企拍。我靠小聰明用一個風格去包裝呢種冇成本，所以變相𠵱家啲片開始有啲製作。開Channel時我破產咁滯，𠵱家係靠廣告收入及用者自付，觀眾支持去營運人工、租金同添置器材。不過呢啲收入暫時不足以支撐整個營運，好老實，做生意你梗係要賺錢架啦，唔賺錢你做生意嚟做乜嘢？最主要廣告收入同會員支持，兩者平衡。」
對於未來會否變娛樂公司？主腦游學修說：「可能娛樂公司呢個稱呼係啱，可能我再吹遠啲，我會搞電視劇、搞電影，甚至乎搞動畫，亂噏先，咁到頭來所有嘢都係搞緊娛樂之嘛。頻道最遠去到邊我唔知，但係會繼續用影片提供娛樂同創作。」