簡淑兒近日被《蘋果》讀者爆料，指唐紫睿（Hazel）的前度男友曾暗撻簡淑兒，兩人秘戀三個月。該讀者表示：「幾年前Hazel話前男友Louis係世界最差嘅男人，之後（Louis）暗撻簡淑兒維持咗三個月。我朋友係素人，曾經同Louis拍過拖，佢飲醉酒會向女友發脾氣，又試過偷食，點知原來佢都係簡淑兒男友，自己睇唔過眼爆料。」讀者更提供女友人的眼瘀和手瘀相，還有Louis上身赤裸相。
被指曾跟Louis暗撻三個月，簡淑兒受訪時強烈否認，她說：「黐線，真係冇啲咁嘅事，佢咁講有啲離譜，我好無辜！Louis唔係我男朋友，佢係我朋友啲friend，但我同佢冇拍過拖喎。我同Hazel之前同一間公司，佢哋之間嘅嘢我完全唔知。」為表清白，簡淑兒公開前男友名叫Marcus，並承認去年復合數月，之後不足一年再分手。
