內地以「回港易」聯乘變種病毒突襲社區的個案，回港易三隻字，簡直是魔咒，對被困英國四個月歸港無期的香港居民，更是莫大的抑鬱恐懼。月底兩班包機座位有限，航班開售一刻官網即遇當機，回港念念不忘，但沒有回響，除非你識變種（變翠種，也許安心易），從英國回港就是被刁難。你還說自己睇唔到、討厭政治化嗎？嘿嘿，你最討厭的東西，跟變種病毒一起××泡泡了。專家指病毒源頭是一隻S形掛勾，因果關係一口咬定。有無藥醫的？管治班子話有，隻藥叫做完善××制度。需要打幾多針呢？信我，一針，夠你西。
回港易，離港傷。流亡離散的香港人，屬後者。就算想回港，也被勸止，遙遙無期。上海有人穿着「剎車失靈」白衫跳上Tesla車頂抗議，當場遭到跟中大一樣的食Q「私了」，保安不吃這一套。剎車失靈，對號入座，正是今日香港狀態。水炮車有殺冇停，蓄意追撞傳媒、教師、醫護、公務員、老泛民與年輕人。失靈的車算不算劉智鵬說的戰馬？剎車失靈，一路向西直衝大灣區超級殯城，建議劉教授邀風水佬上港台節目，借題發揮，失靈的戰馬，是暗測a林鄭班子，抑或，b回港易？