禮拜一俾熱刺炒魷魚嘅寸王摩連奴，禮拜二突然喺自己ig上傳咗張2011年帶領皇家馬德里贏得西班牙盃後，被皇馬球員拋起嘅慶祝相，令人聯想到摩連奴係咪暗示自己有機會再教銀河艦隊呢？雖然有球迷話只係咁啱捧盃10周年紀念，但都證明咗皇馬嘅執教經歷，摩佬都仲係念念不忘，講到明自己唔會休息嘅摩佬，喺英國球壇已經聲譽受損，未來返西甲未嘗唔係一個好選擇。