試當真成員林家熙（Locker）近日被網友踢爆跟Ig賬號為kayan9896的《YOLO的練習曲》女神吳家忻（Jeannie）拍拖，兩人更曾合作拍片。前晚YouTube四台直播時熊仔頭稱很多演員是臨時請來演出：「我都要同Locker講我噚晚4點幾搵kayan9896，跟住我send咗段WhatsApp話『唔好意思呀，我唔記得咗搵你呀，可唔可以搵你拍呀？』」游學修問熊仔頭究竟是想找Jeannie還是Locker演出，他即扮儍說：「係喎，點解會一齊講，講錯嘢。」熊仔頭又追問Jeannie是否試當真的演員？游學修笑說：「睇你點睇啦，係有啲關係。」
熊仔頭亦指Locker曾在試當真的影片內表示喜歡kayan9896：「我以為係做戲嚟，點知用真嘢！」被爆將kayan9896私有化的Locker，即躲在演員的背後未有回應此事，不過他獲同頻道的陳苡臻（Jessica）解圍打破尷尬氣氛：「即係你話Locker係唔鍾意我？因為佢前一句係『我唔鍾意Jessica』嘛！」