陳瀅、歐陽震華（Bobby）及馬德鐘昨日在將軍澳出席宣傳活動，陳瀅身穿短裙晒腿，惟笑容僵硬，在新劇扮演學生妹的她，講到楊明飾演的前度時淚流披面，她表示：「呢場戲我係諗住前度嚟演，因為我曾經俾前度背叛、謾罵，推撞都有。」問拍過四次拖的陳瀅，背叛她的是哪個前度？她尷尬說：「點解今日啲話題咁難答嘅！」問她現時可有拍拖？她表示沒有，更透露有朋友要為她介紹男友，她覺得似相睇好尷尬，所以婉拒。
問到識男友是否需要懂得駕電單車？陳瀅說：「唔使，有車就得，我發覺揸電單車危險，好彩劇中我有男替身。」另外，Bobby對於被友台ViuTV逐漸搶去收視，他說：「仲有乜嘢友台？我仲停留喺80年代嘅ATV。」