【本報訊】今次達喜樓奪命火是近10個月來第六宗釀成嚴重人命傷亡的火警。警方初步相信大火是電池短路引致，正調查是否涉及單位內電動按摩椅鋰電池因線路問題發熱起火。有電器專家指電池長期充電，加上近日天氣潮濕均可能導致漏電短路，提醒市民小心注意。
電器工會會長溫冠新指，電池長期充電易生危險，尤其鋰電池本應有充滿電後自動截電功能，但若該功能失效，而電器長期處於備用模式（stand-by mode），鋰電池便可能因長期充電而短路起火。火警疑涉電動按摩椅鋰電池短路，他指「鋰電池（起火）好大鑊，佢能量好高」。
踏入4月潮濕回南天，溫冠新指濕氣亦可能導致電器漏電短路，因水份會「走入開關掣」，影響電器內的接觸點從而出現短路，「（電器）入面濕咗，導電位喺撳（開關掣）時有火花搶火，入邊多塵或有異物喺度就有可能着火」。
溫冠新提醒市民平日不要將電器長期充電，「唔好成日stand-by」，定期清理電器內的積塵，若要使用已停用一段時間的電器，更要先清理積塵及檢查功能，「唔好推出嚟就用，乜都唔理」。