在影圈打滾多年的徐忠信透露，電影武行中最賺錢的，莫過於做替身︰「因為計雙工，仲要睇吓乜嘢動作，如果好危險嘅動作，就要傾價錢。」惟一次意外令他飲恨，提起更不無欷歔︰「嗰次幫鄭少秋做替身拍無綫劇《決戰皇城》，原本拍好都已經OK，導演話不如嚟多個轉身落地。咁就出事，再跳人就落咗榻榻米，隻腳跌咗出去，扭斷咗十字韌帶廢咗武功。啲醫藥費幾萬蚊都係無綫畀，嗰時唔識賠償金，唔係可能𠵱家唔使咁惆悵。」
自從那一次後，徐忠信沒有再做替身，只靠把口做武指，之後同李連杰合作《黃飛鴻之鐵雞鬥蜈蚣》，飾演「笑面虎」笑裏藏刀，跟李連杰的對打更是代表作，不過徐忠信指片中不少動作，都要由替身代勞。