方力申（小方）昨日在將軍澳出席活動，提到他日前與陳自瑤（YoYo）上節目，為十多年前的緋聞解畫，小方昨日笑說終於等到機會澄清，又指他上節目前，樂易玲曾問他怕不怕，不過小方直言：「梗係唔驚啦，因為都冇發生過，都不知幾想澄清。」
小方指當年工作時面對不少記者，但從沒有人追問過：「冇一本雜誌問呢件事，當年咁多雜誌，係得幾個討論區講。」小方指當時以為冇人問可以不用答，但最終失去工作機會：「估唔到影響咁大，大到我做啲廣告冇得撈，佢哋話我形象唔好。」至於早前小方被指接馮盈盈放工，他直認說：「係呀，佢部車借咗畀親戚，但我都車過麥美恩同我啲同事。」